Gaur nabigazio gidatu bat proposatuko dizuet, e-judokoek atera zuten Gida-Nabigazio horren modukoa baina ez gai baten ingurukoa. Guztiz ludikoa izango da nirea. Hasteko, soinu banda ezartzeko proposatuko dizuet. Bai, zoazte Lost Highway Records disketxearen webgunera (Flash behar da) eta sar zaitezte Artist Entrance dioen atetik. Kontzertu aretora sartuko zarete orduan eta, eskumako partean, jukebox edo gramola horietako bat agertuko da…
Automatikoki hasiko da musika jotzen. Oso musikari onak dituzte bertan eta oso kalitate onarekin entzuten da. Gezia makinaren gainean jarriz gero, hala ere, song listing aukera nabarmenduko da eta nahi duguna aukeratu ahal izango dugu. Aukera ezazue The Jayhawks edo Johnny Cash eta gozatu musikarekin.
Zabaldu beste leiho bat nabigatzailean eta, musika entzun bitartean AK 47ren webgunera jo. Argazki aldizkari oso interesgarria eta elegantea da. Bihilabetekaria da eta bertan argazki artistikoen bildumak argitaratzen dituzte. Klikatu Alessandra Sanguinetti-ren The Adventures of Guille and Beli edo Edgar Martins-en Black Holes and Other Inconsistencies. Artxiboak ere baditu eta aurreko zenbakiak ere ikus daitezke… Tira, beste egunen batean beste nabigazio bat proposatuko dizuet, incha allah.
Oso ideia ona musikarena eta musika aproposa argazkiak ikusteko. Kriston aldizkaria da, ez nuen ezagutzen.