Bidaiak online prestatzeko

Sarea tresna aproposa da gure bidaia antolatzeko

Iragan astean bidaia arraroez jardun bagenuen, gaur, merkeagoa eta seguruenik ohikoagoa izan daitekeen gure bidaia prestatzen lagunduko diguten helbide batzuk aitatuko ditugu.

Motxileroek Europan zehar ibiltzeko laguntza topatuko dute Eurotrip webgunean. Hegaldi merkeak aurkitzeko taktikak, ostatuen zerrenda gidaliburu gomendagarriak, tren ibilbideak eta beste. Osasunari eta diruari buruzko aholkuak ere ematen dituzte Eurotripen. Motxilan zer sartu ere gomendatuko digute bisitatu behar dugun lekuaren arabera. Zehazkiago, gazteentzako ostatuen informazioa aurkituko dugu IYHFren gunean eta trenez Europan batera eta bestera ibiltzeko InterRail dugu aukerarik onena, guretzat webgunean eskuragarri duguna.

Herrialde askotan sartzeko txertoak jartzea beharrezkoa da, gomendagarria izateaz gain. Espainiako Osasun Ministerioan jakingo dugu bisitatu behar dugun herrialdean zeintzuk diren beharrezkoak. Bisatua beharko dugun ere jakin beharko dugu aldez aurretik, Barne Ministerioaren webgunean. Diruen trukea zegan dagoen jakiteko tresna ugari ere bada sarean.

Hizkuntzekin zailtasunak gainditzeko Travlang-ek eskaintzen digun tresna oso baliagarria izango zaigu. Hiztegi online bat dauka, oinarrizko hitz, zenbaki eta esaldien bilduma gure burua edozein hizkuntzatan defendatzeko. Besteak beste euskaldunoi ere ematen digu beste hizkuntzak gurera ekartzeko aukera.

Motxileroentzat
www.eurotrip.com/
IYHF
www.iyhf.org/
InterRail txartela
www.interrail.net/
Txertoak eta herrialdeen beste datuak
www.msc.es/salud/exterior/home.htm
Bisatuak
www.mir.es/pasaport/salid_ex/salid_ex.htm
Trukea zegan dagoen jakiteko
www.supernet.com.mx/tipos/
Nazioarteko hiztegia
www.travlang.com/languages/