Kalamuaren alde

Debekuaren aurkako guneak sarean

Kalamuaren legeztatzea bidezidor luzea izango da, oraindik aldaketa asko egon beharko dutelako hainbat jenderen kontzientzietan, agintariengan bereziki. Bide hori egiten laguntzeko sortu dira hainbat elkarte, ARSEC eta Kalamudia esaterako, Interneten beren isla dutenak.

Asociacion Ramon Santos de Estudios del Cannabis (ARSEC) elkartea Katalunian sortua da baina Espainiako hainbat lekutan taldeak badira. Beren webgunean legeztapenaren aldeko manifestua dute, elkartearen gaineko informazioa, estatutuak eta kontakturako helbideak. Legeen arloan lan asko egin dute kalamuaren legeztapena erdiesteko. Gizartearen iritzia ere aldatu nahi dute “arerioen bila dabiltzan komunikabideek okertutako iritzi publikoak satanizatu duen landarea” ezagutarazi nahi dute webgunearen bidez ere.

Gure artean rol hori Kalamudia elkartea saiatzen da betetzen. Euren webgunean elkartearen gaineko azalpenak ematen dituzte euskaraz zein erdaraz, eta beste atal nagusiak erdaraz daude. Besteak beste kalamuaren ezaugarri sendagarriak aitatu eta landareak hazteko gomendioak ematen dituzte webgunearen Botanica arloan.

Gai honen inguruan, ezin aipatu gabe utzi aurten 25 urte beteko dituen High Times EEBBetako aldizkari aintzindariaren edizio elektronikoa. Bertan, azken zenbakien artikuluak, hazleentzako aholkuak, errezetak, musika, artea eta beste gauza asko topatuko dugu. Interneten bidezko Irrati bat ere badute irratsaio mordo batekin.

Helbide interesgarriak

Hemen dituzu aipatu ditugun helbideak. Gogoratu High On The Air! irratia entzuteko Real Player programa beharko duzula.

ARSEC
http://www.pangea.org/org/arsec/
Kalamudia
http://kalamudia.kender.es
High Times
http://www.hightimes.com/