Internet patrikan

Telefono mugikorra nagusi mende berrian

Tira, mende berria hasi da eta oraindik hemen gara. 2000 efektua ohiko biharamunera mugatu da eta ez da iragarritako hondamendia gertatu. Ordenagailuek problemarik gabe igaro dute urte zaharra eta orain askok galdetzen dute ea zergatik gastatu diren horrenbeste hogerleko mamu hori ekiditeko.

Baina ordenagailuak oraindik bizirik direla konturatu ostean jakin dugu makina horiek ez direla nagusi izango mende berrian, ez behintzat egun ezagutzen ditugun moduan. Internetera telebista aparailu gisako ordenagailuen bidez konektatuko gara, mikrouhin labeetan ere pantailak integratuko dira, baina zalantza barik etorkizunik onena telefono mugikorrek izango dute.

Hedapen eta bilakaera azkarra izaten ari dira aparailu horiek. Gero eta jende gehiagok erabiltzen ditu eta gero eta ahalmen handiagoak dituzte. Modelo handien eta zaharkituenek ere ematen digute mezu txikiak bidaltzeko aukera. Berrienek berriz Interneterako sarbidea ematen digute WAP teknologiaren bidez.

WAP teknologiak (Wireless Application Protocol) hipertestua gure telefono eramangarriraino heltzea ahalbidetzen du. Aparailu gutxi daude, momentuz, WAP-erako prestatuta baina laster beteko da merkatua, hedapena oso azkarra baita sektore honetan. Oraindik irudirik ezin da bidali, abidadura mugatuta baitago, baina hipertestuetan aukerak egiten nabigatu dezakegu horretarako prestatuta dauden webguneetan. Antzokirako sarrerak erosi, e-posta jaso edo azken orduko berriak ikus ditzakegu nondinahitik. Portal askok eskaintzen dute WAP zerbitzua, besteak beste Vilaweb Kataluniarrak.

Arterako ere mugikorra erabili daitekeela erakutsi du Igor Stromajer artista esloveniarrak. Mugikorrak eta webguneak konbinatzen dituen net.art proiketua. Teknologia eta sentsazioak konbinatzen ditu mugikor batzuek dardar egiteko duten ahalmena baliatuta.

Vilaweb
http://vilaweb.com
Portalwap
http://www.portalwap.com
GSM art
http://kid.kibla.org/~intima/gsmart
http://www.intima.org