Flash festibala

Bartzelonako Online Flash Film Festival

Lehenago ekarri ditugu lerro hauetara Flash filmak eta geroago ere aitatu beharko ditugu, hemen geratzeko etorri baitira eta sorkuntzaren adierazpide bikaina dira. Macromedia etxeak sortutako programa honek irudi bizidunak eta musika konbinatzen ahalbidetzen digu nahi dugun eran. Ikaragarri politak eta ikusgarriak izateaz gain, ez dira batere astunak izaten eta berauek ikusteko nabigatzaileak erraz kargatzen den plug-in txiki bat baino ez du behar.

Abantaila hauek guztiak profitatuz, diseinatzaileen lan eremu berria bihurtu da eta leiharako arloa ere bai. Horregatik sortu dute Online Flash Film Festival (OFFF), mundu berri honetan sortzen ari diren lanak erakusteko eta onenak saritzeko. Gaurtik larunbatera, Bartzelonako Cotxeres de Sants-en izango den erakustaldian bilduko dira flash filmik onenak, ataletan banatuta: artea, fikzioa, dokumentalak, interaktiboak, animazioak eta musika klipak.

Diseinatzaileek eta multimedia artistek letra tipoen, animazioen, mujltimedia, soinua eta intereaktibitatearen kontrol osoa dute .swf hizkiekin sortzen diren artxibotxo hauen bitartez. Jada badira osorik Flash-en eginiko webgune asko, kargatzeko astunagoak izaten dira baina merezi du itxaroteak, emaitzak ikusgarriak baitira.

Jaialdi hauen helburuak egileak biltzea, elkarren teknikak ikastea eta Flash teknologiaren aurrerapenak ikustea dira. Uztailan New York-en izango da Flash Forward jaialdia baina San Franciscokoa otsailan izan zen eta han saritutako webguneak bisita ditzakegu. Esaterako, ikusgarria da MTV2 telebistak hiru dimentsiotan eginikoa, Simcoaster-ek joko interaktiboak ditu eta eStudio-k cartoon motako marrazkien beste dimentsio bat dakarkigu.

OFFF
offf.ya.com
San Franciscokoa
www.flashfilmfestival.com
New York-ekoa
www.flashforward2001.com
MTV2
www.mtv2.co.uk
Simcoaster
www.simcoaster.com
eStudio
www.estudio.com